Certificat d'assicuranza
Tgi che paja contribuziuns u retira prestaziuns, survegn in certificat d'assicuranza. Il certificat vala sco conferma per l'inscripziun en il register da las assicuradas e dals assicurads.
Il certificat d'assicuranza ston ins tegnair bain en salv. Mintga giada ch'ins mida plazza, ston ins mussar el a la patruna u al patrun. Ed era cura ch'ins s'annunzia per prestaziuns da l'AVS u da l'AI ston ins suttametter el a la cassa da cumpensaziun da l'AVS.
Infurmaziuns
Las patrunas ed ils patruns na ston betg annunziar pli entaifer in mais novas collavuraturas u novs collavuraturs. I tanscha d'inditgar quels la fin da l'onn en la decleraziun da paja.
Per quest motiv na datti era betg pli l'attest d'assicuranza che las cassas da cumpensaziun emettevan mintgamai per mauns da las collavuraturas e dals collavuraturs.
Emploiadas ed emploiads che n'han anc nagin certificat d'assicuranza annunziais Vus per plaschair cun il formular d'annunzia per in certificat d'assicuranza.