Prestaziuns transitoricas per dischoccupads pli attempads
Las prestaziuns transitoricas segireschan l'existenza da persunas che han pers lur lavur curt avant la pensiun fin il mument ch'ellas pon retrair la renta da vegliadetgna. Prestaziuns transitoricas èn prestaziuns da basegn che vegnan calculadas analog a las prestaziuns supplementaras ad ina renta da l'assicuranza per vegls e survivents (AVS) u da l'assicuranza d'invaliditad (AI). Persunas dischoccupadas che vegnan privadas dal dretg da schurnada suenter lur 60avel anniversari e na vegnan betg pli da generar entradas suffizientas, pon retschaiver fin a lur pensiunament prestaziuns transitoricas. Quellas prestaziuns, finanziadas da la Confederaziun e distribuidas dal Chantun, consistan da contribuziuns annualas pajadas mensilmain e da la restituziun da custs da malsogna e d'invaliditad.