Il portal da quints da l'AI per persunas assicuradas – per ina restituziun simpla e svelta da Vossas spesas
Spargnai temp e daners grazia al portal da quints da l'AI. Inoltrai Voss quints cun paucs clics en furma electronica – a moda segira e cumadaivla.
Ils suandants quints pudais Vus inoltrar via il portal:
- viadis ed alimentaziun
- apparats d'udida inclus battarias
- indemnisaziun a persunas dependentas d'agid e supplement per la tgira intensiva da minorens (per la perioda da quints a partir dal 2021)
- contribuziun d'assistenza
- ulteriurs quints, p.ex. per peruccas, rollaturs, etc.
Voss avantatgs:
- facturaziun sperta e simpla
- elavuraziun pli speditiva da Voss quints
- pajaments pli sperts
- survista clera da tut ils quints gia registrads
- infurmaziun davart il status d'elavuraziun actual
- access era via il telefonin
- damain lavur: ni stampar, ni metter sin posta, ni pajar custs da spediziun
Bun da savair
Access al portal da quints da l'AI han sulettamain persunas assicuradas e lur represchentanza legala. Autras persunas ed auters uffizis n'èn betg autorisads.
La segirezza da Vossas datas è impurtanta per nus. Il portal da quints da l'AI è protegì cun in pled-clav e las datas vegnan transmessas en furma codada.
Cun As registrar definis Vus in pled-clav persunal. Per mintga login survegnis Vus per sms in code supplementar per As identifitgar.